Sumqayıtda Azərbaycan Prezidenti yanında Gənclər Fondunun dəstəyi ilə “Qadın klubu” layihəsi həyata keçiriləcək. 

Layihə çərçivəsində 30-a yaxın qadının iştirakı ilə təlim keçiriləcək. 

Layihənin koordinatoru Səbinə Məmmədova bildirib ki, layihənin məqsədi gənc xanımlara müxtəlif sahələrlə bağlı maarifləndirici məlumatlar verən təlimin keçirilməsidir: 

“Layihə çərçivəsində keçiriləcək təlimdə 4 mütəxəssisin – pediatr, ginekoloq, psixoloq və kosmetoloqun gənc qadınlarla görüşü təşkil olunacaq. 

Təlim xarakterli görüşdə mütəxəssislər məruzə ilə çıxış edəcək, gənclərin suallarını cavablandıracaq.”