Noyabrın
1-dən Sumqayıt-Ceyranbatan qəsəbəsi üzrə hərəkət edən 9 nömrəli marşrut
avtobuslarında gediş haqqının nağdsız-vahid kart sistemi ilə ödənilməsi mümkün olacaq.
Bu
barədə Xeberle.com-a Sumqayıt Avtomobil Nəqliyyatı ilə Sərnişindaşıma İdarəsindən
məlumat verilib.
Məlumatda
həmçinin bildirilir ki, 9 nömrəli marşruta aid 1 avtobusda artıq qurğu
quraşdırılıb və bu günlərdə qalan digər 15 nəqliyyat vasitəsində də kart
sisteminə hazırlıq məqsədi ilə qurğu quraşdırılacaq: "Noyabr ayının 1-dən isə
adı çəkilən marşrutda tam kart sisteminə keçiləcək”.
Avtobuslarda
istifadə olunacaq kartlara gəldikdə isə, idarədən bildirilib ki, sərnişinlərin
tam rahatlığı nəzərə alınaraq maaş kartları və telefonla da ödəniş etmək mümkün
olacaq. Həmçinin avtobuslar üçün "Millon" aparatlarından balans
artırılması mümkün olacaq kartlar da sifariş edilib. Kartların qiyməti 2 manat
olacaq.
Sözügedən
marşrutda fəaliyyət göstərən sürücülər isə işlədikləri günlərə uyğun olaraq
əmək haqqı alacaqlar.
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
