"Azərbaycan Respublikası Milli Məclisinin deputatı olaraq
İcbari Tibbi Sığorta üzrə Dövlət Agentliyinə ünvanladığımız müraciət əsasında
Xızı rayonu Mərkəzi Xəstəxanasına təcili tibbi yardım maşını ayrılmışdır. Məlumat
üçün bildirək ki, Xızı rayonunda sakinlərin Təcili yardım stansiyasına müraciəti
zamanı operativ xidmət göstərmək, həmçinin vətəndaş məmnunluğunu təmin etmək
üçün əlavə təcili yardım maşınına ehtiyac yaranmışdır”.
Xeberle.com-un məlumatına görə, bu barədə 44 saylı
Sumqayıt-Xızı seçki dairəsinin deputatı Müşfiq Məmmədli Feysbuk səhifəsində
yazıb. Deputat bildirib ki, İcbari Tibbi Sığorta üzrə Dövlət Agentliyinə maşın ayrılması ilə bağlı etdiyi müraciət cavabsız qalmayıb və
qurumun rəhbərliyi tərəfindən dərhal reaksiya verilib: "Sevindirici haldır ki,
etdiyimiz müraciətə İdarə heyətinin sədri
Zaur Əliyev və sədr müavini Nigar Bayramova tərəfindən dərhal reaksiya
verilərək təcili yardım maşınının ayrılması ilə bağlı qərar verilmişdir.
Bununla bağlı olaraq həm öz adımdan, həm də Xızı rayon sakinləri adından dərin
təşəkkürümü bildirirəm”.
Xəbərdən istifadə edərkən istinad etmək vacibdir.
