Məmur övladlarının sosial şəbəkələrdə ifşa olunması hakimiyyətdə müzakirə mövzusudur. 

“Azadlıq” qəzetinin yaydığı xəbərdə bildirilir ki, nəqliyyat naziri Ziya Məmmədovun qardaşı, deputat Elton Məmmədovun, diaspora məsələləri üzrə dövlət komitəsinin sədri Nazim Ibrahimovun, Mərkəzi Bankın rəhbəri Elman Rüstəmovun övladlarının “Instagram” sosial şəbəkəsində sərvətlərini nümayiş etdirməsi və bu barədə mediada yazılması iqtidarı bu məsələni ciddi müzakirə etməyə vadar edib. 

Məlumatlarda bildirilir ki, müzakirələrin yekunu olaraq belə qərara gəlinib ki, məmur övladlarına sosial şəbəkələrdən istifadə yasaqlansın. Bildirilir ki, artıq bütün məmurlara bu barədə tapşırıq verilib. Onlara deyilib ki, övladlarının sosial şəbəkələrdə görünməsinin qarşısını alsınlar.