Yaşasaydı bu gün 20 yaşı olacaqdı şəhidimizin.
Xeberle.com xəbər verir ki, söhbət Vətən Müharibəsinin sumqayıtl ilk şəhidi Tərlan Rzayevdən gedir. Şəhidin doğum günü onun Sumqayıt Şəhidlər Xiyabanında olan məzarı başında qeyd edililib. Şəhidimizin ruhuna dualar oxunub, xatirəsi yad edilib.
Anım tədbirində şəhidin yaxınları, ictimaiyyət nümayəndələri iştirak ediblər.
Tərlan Rövşad oğlu Rzayev 2001-ci ildə Sumqayıt şəhərində anadan olub. Orta təhsilini Sumqayıt şəhərindəki 27 nömrəli orta məktəbdə alıb. Hələ uşaq yaşlarından hərbiyə maraq göstərib. Tərlan Vətənə sevgisini, duyğularını ailəsi ilə tez-tez bölüşürmüş. Səbirsizliklə gözləyirmiş doğma yurdu qarşısında övladlıq vəzifəsini yerinə yetirmək üçün...
18 yaşı tamam olanda həvəslə hərbi xidmətə yollanıb. Hərbi xidmət müddətində komandirlərin rəğbətini qazanıb, mükafatlara layiq görülüb. Sentyabrın 27-də müharibə başlayan gün 1 il 3 ay imiş hərbi xidmətdə imiş Tərlan. Ali Baş Komandanın hücum əmrindən dərhal sonra əsgər yoldaşları ilə irəliyə atılıb. Mühasirəyə düşən yoldaşlarının köməyinə yetişməyə çalışan Tərlan Rzayev Füzuli istiqamətində son damla qanınadək döyüşərək, şəhidlik zirvəsinə yüksəlib.
Şəhid Tərlan Rzayev Sumqayıt Şəhidlər Xiyabanında dəfn edilib. Ölümündən sonra təltif olunduğu "Vətən uğrunda” və "'Füzulinin azad olunmasına görə” medalları onun cəsurluğunun, vətən sevgisinin bariz təsdiqidir...
Xəbərdən istifadə edərkən istinad etmək vacibdir.
