"Bu şəxslərin ailələri hazırda pis vəziyyətdədir”

Türkiyə Azərbaycan dostluq Dərnəkləri Federasiyasının İqdır Azərbaycan evi Dərnəyi "Faşist Ermənistanın əsr götürdüyü 2 türkü istəyirik” adlı imza kampaniyası keçirilib.

İnterAz xəbər verir ki, Azərbaycan evi Dərnəyinin rəhbəri Sərdar Ünsal, Ermənistanın bu addımına etiraz etdiklərini deyib: "Ermənilər bütün dövrlərdə türklərə qarşı düşmənçilik edblər. Onlar beynəlxalq hüquq qanunlarını tapdalayaraq işğal etdikləri torpaqlarda anasının qəbrini ziyarət edən Dilqəm Əsgərovla Şahbaz Quliyevi əsir götürülməklə və Həsən Həsənovu işgəncə ilə qətlə yetirməklə, əsl simalarını bir daha ortaya qoyublar”.

S.Ünsal, Ermənistanda əsir saxlanılan iki şəxsin azad oluması üçün imzatoplama aksiyası keçirdiklərini diqqətə çatdırıb: "Onların Ermənistan tərəfindən işğal olunan Dağlıq Qarabağ bölgəsində uydurma məhkəmə tərəfindən ittiham olunaraq cəza alması heç bir hüquqa söykənmir. Kəlbəcər bölgəsi hazırda Ermənistan tərəfindən işğal olunsa da, Azərbaycanın dövlət sərhədləri tərkibindədir. Bu torpaqlarda doğularaq böyümüş Dilqəm Əsgərov, Şahbaz Quliyev və Həsən Həsənov Ermənistanın işğalçılıq nəticəsində doğma yurdlarından zorla çıxarılmış Azərbaycan vətəndaşlarıdır. Onlar vətən torpaqlarına ailələrinin məzarlarlarını ziyarət etmək, vaxtilə yaşadıqları kəndi təkrar görmək ümidi ilə getmişdilər. Hər hansı bir gizli plan və niyyətləri yoxdu”.

Dərnək sədri qeyd edib ki, Şuşa həbsxanasında saxlanılan bu şəxslər dərhal azad olunmalıdır: "Bu şəxslərin ailələri hazırda pis vəziyyətdədir. Dünya bu ailələrin fəryadını dərhal eşidərək Ermənistanın bu siyasətinə qarşı çıxmalı və onların azad olunmasına çalışmalıdır. Türkiyə prezidenti Rəcəb Tayyib Ərdoğanla baş nazir Əhməd Davudoğluna səslənərək bəyan edirəm ki, bu məsələ ilə bağlı dərhal fəaliyyətə başlasınlar”.

Qeyd edək ki, imzatoplama kampaniyasına Azərbaycanın Qars konsuluğunun İqdır təmsilçisi Fariz Cəfərov, Milliyyətçi Hərakat Partiyasının vilayət şöbəsinin sədri Cahid Erol və digər rəsmi şəxslər, yerli QHT-lər və sadə vətəndaşlar dəstək veriblər. Aksiya bir ay davam edəcək.        (interaztv.com)