Bildiyimiz ki, Operativ Qərargahın son qərarına əsasən şəhərlərarası və Bakı və Sumqayıtdan bölgələrə sərnişin daşıyan avtobuslar həftə sonları da fəaliyyət göstərir. Sumqayıt daxilində isə ictimai nəqliyyatın şənbə və bazar günlərində işləməməsi qərarı qüvvədə qalır. Lakin maraqlıdır ki, bu şənbə - 12 iyun tarixində Sumqayıt şəhərində bir sıra marşrut avtobusların hərəkət etməsi diqqətdən yayınmayıb. Bunlar 2, 3, 9, 12 və 15 saylı marşrut avtobusları olub. Nəqliyyat idarəsindən bildiriblər ki, adıçəkilən marşrut avtobus xətləri Sumqayıtın inzibati ərazisindən kənara çıxaraq, Abşeron rayonu, Yaşma, Ceyranbatan, Novxanı kimi qəsəbələrə də hərəkət edir ki, buna da rəsmi icazə var.
Xeberle.com
Xəbərdən istifadə edərkən istinad etmək vacibdir.
