Sumqayıt Şəhər
İcra Hakimiyyətinin təşəbbüsü, Gənclər və İdman Baş İdarəsinin təşkilatçılığı
ilə mövcud Pandemiya qaydalarına uyğun olaraq şəhər gənclərinin Quba rayonunda 44
günlük Zəfər Müharibəsinə həsr edilmiş "Vətənimizi Tanıyaq və Tanıdaq!” devizi
altında "Yay məktəbi”
davam edir. Yay Məktəbinin təşkilində məqsəd "Azərbaycan
gəncliyi 2017-2021-ci illərdə” Dövlət Proqramının müvafiq bəndlərinin icrası,
Qarabağ Vətən Müharibəsi və əldə olunmuş böyük qələbənin təbliği, şəhid və qazi
övladlarının yay düşərgələrində iştirakının təmin edilməsi, gənclərə milli-vətənpərvərlik
hisslərinin aşılanması, ölkəmizin bölgələrini tanımaları və asudə vaxtlarının səmərəli
təşkil edilməsidir.
Qeyd edək
ki, "Yay Məktəbi”nin növbəti turlarında peşə təhsil mərkəzlərinin tələbələri, şəhərin
müxtəlif sahələrini təmsil edən ictimai fəal gənclər, Covid-19 Pandemiyasının
geniş yayılmasının qarşısının alınması məqsədilə təşkil edilən maarfiləndirici
aksiyalarda iştirak edən könüllü gənclər və idman ictimaiyyəti nümayəndələri
iştirak etmişlər.
Azərbaycanın
qədim bölgələrindən olan Quba rayonunda təşkil olunan "Yay Məktəbi”ndə
iştirakçılar Quba rayonun əsrarəngiz təbiəti ilə tanış olmuş, habelə gənclər
arasında intelektual, əyləncəli oyunlar keçirilmiş, yemək və çay fasilələri təşkil
edilmişdir.
Xəbərdən istifadə edərkən istinad etmək vacibdir.
