Sumqayıtda Səfərbərlik və Hərbi Xidmətə Çağırış üzrə Dövlət Xidmətinin Qubadlı rayon bölməsində Vətən müharibəsi iştirakçılarına və şəhid ailələrinə dövlət mükafatları təqdim olunub.
Xeberle.com xəbər verir ki, mərasimdə Milli Qəhrəman Şükür Həmidovun ölümündən sonra təltif olunduğu "Cəbrayılın azad olunmasına görə” və şəhid Faiq Qasımovun təltif olunduğu "Xocavəndin azad olunmasına görə” medalı oğullarına, şəhid Ülvi Məhərrəmovun "Xocavəndin azad olunmasına görə” medalı atasına, şəhid Məhəmmədəli Həsənzadənin isə təltif olunduğu "Xocavəndin azad olunmasına görə” medalı qardaşına təqdim olunub.
Vətən müharibəsinin 33 iştirakçısına Füzulinin və Xocavəndin azad olunmasına görə, həmçinin Vətən Müharibəsi Qəhrəmanı Vüsal Yaqubova "Cəbrayılın azad olunmasına görə” medalı təqdim olunub.
Xəbərdən istifadə edərkən istinad etmək vacibdir.
