Sumqayıt şəhər Gənclər və İdman Baş İdarəsi və Sumqayıt Dövlət
Rəsm Qalereyasının birgə təşkilatçılığı ilə Nəsimi adına mədəniyyət və istirahət
parkında 44 günlük Vətən müharibəsinə həsr edilmiş "Gənc Qalib” adlı rəsm sərgisi
keçirilmişdir.
Açıq səma altında mövcud pandemiya qaydalarına
uyğun olaraq təşkil olunan sərgidə yeniyetmə və gənc rəssamların
əl işlərindən ibarət 20-yə yaxın əsər nümayiş etdirilmişdir.
Əvvəlcə qonaqlar sərgiyə baxış keçirmiş, müəlliflərin
fikirləri ilə tanış olmuşlar.
Tədbirdə çıxış edənlər Baş İdarənin rəisi Elgün
Hümbətov, Rəsm Qalereyasının direktoru Ellada Həsənova sərginin 44 günlük Vətən müharibəsinin
əbədiləşdirilməsi, gənclərin vətənpərvərlik ruhunun yüksəldilməsi, istedadlı və yaradıcı gəncləri aşkara çıxarılması, qabiliyyətlərini
nümayiş etdirə bilmələri üçün şərait yaratmaq, asudə vaxtlarını səmərəli təşkil
etmək məqsədilə keçirildiyini qeyd etmişdir.
Sonda sərgidə fəal iştiraklarına görə gənc rəssamlar
Baş İdarənin diplom və hədiyyələri ilə təltif edilmişlər.
Xəbərdən istifadə edərkən istinad etmək vacibdir.
