Xeberle.com-a verilən məlumata görə, rəsmilər şəhidimizin ailəsinə dərin hüzünlə baş sağlığı verib, onunla qürur duyulduğunu, hər zaman lazım olan qayğını və dəstəyi bundan sonra da ailəyə göstərəcəklərini bildiriblər.

Dövlət başçısı İlham Əliyevin və Birinci vitse-prezident Mehriban Əliyevanın hər zaman şəhid ailələri, qazilərimizə xüsusi diqqət və qayğı göstərdiklərini vurğulayıblar.

Millət vəkili Hicran Hüseynova şəhidimizə Allahdan rəhmət diləyib, ruhu qarşısında qürur və ehtiram hissi ilə baş əydiyini deyib: "Bugünümüzü onlara borcluyuq, şəhid və qazi ailələrinin hər zaman yanında olacağıq".

Qeyd edək ki, bu gün Vətən Müharibəsində  19 yaşında şəhidlik zirvəsinə yüksələn Tərlan Rzayevin anım günüdür.

Sumqayıt şəhərində doğulan T. Rzayev  ötən il torpaqlarımızın işğaldan azad edilməsi uğrunda başlayan hərbi əməliyyatların ilk günündə, sentyabrın 27-də qəhrəmancasına vuruşaraq şəhid olub.

Şəhid Tərlan Rzayev Sumqayıt Şəhidlər Xiyabanında dəfn edilib. Ölümündən sonra təltif olunduğu "Vətən uğrunda” və "'Füzulinin azad olunmasına görə” medalları onun cəsurluğunun, vətən sevgisinin bariz təsdiqidir...