Deputatlar şəhidin məzarına gül dəstələri düzərək əziz xatirəsini yad ediblər. Şəhidimizin ailəsinə dərin hüzünlə baş sağlığı verib, onunla qürur duyulduğunu, hər zaman lazım olan qayğını və dəstəyi bundan sonra da ailəyə göstərəcəklərini bildiriblər.

Dövlət başçısı İlham Əliyevin və Birinci vitse-prezident Mehriban Əliyevanın hər zaman şəhid ailələri, qazilərimizə xüsusi diqqət və qayğı göstərdiklərini bildiriblər.

Millət vəkili Hicran Hüseynova şəhidimizə Allahdan rəhmət diləyib, ruhu qarşısında qürur və ehtiram hissi ilə baş əydiyini bildirib.

Qeyd edək ki, Sumqayıt şəhərində anadan olan əsgər Cəbrayıl Dövlətzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı ön cəbhəyə gedərək Murovdağ istiqamətində gedən döyüşlərdə xüsusi təyinatlıların tərkibində savaşıb. Cəbrayıl Dövlətzadə son nəfəsinə kimi torpaqlarımızın azad olunması uğrunda şücaət göstərərək, döyüş bölgəsində sentyabrın 28-də Murovdağ döyüşləri zamanı Kəlbəcər rayonu ərazisində şəhidlik zirvəsinə ucalıb. II Şəhidlər Xiyabanında dəfn olunub. Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Vətən uğrunda" medalı, "Azərbaycan Bayrağı" ordeni ilə, 24.06.2021-ci il tarixli Sərəncamına əsasən isə ​"Kəlbəcərin azad olunmasına görə" medalı ilə təltif edilib.