2 oktyabr tarixində Vətən müharibəsinin şəhidi Elvin İsmayılovun həlak olmasının 1 ili tamam olub. Bununla bağlı şəhidin valideynləri tərəfindən Sumqayıt şəhərində anım mərasimi təşkil olunub. Əvvəlcə E.İsmayılovun Şəhidlər Xiyabanındakı məzarı ziyarət olunub, ruhuna dualar oxunub. Bundan sonra mərasim evində ehsan verilib. Mərasimdə şəhidin doğma və yaxınları, dostları, Sumqayıt Şəhər İcra Hakimiyyətinin əməkdaşları, ziyalılar, Qarabağ müharibəsi veteranları və qaziləri iştirak ediblər.
Xatırladaq ki, E.İsmayılov valideynlərinin yeganə oğul övladı idi. Sumqayıt şəhər 24 nömrəli tam orta məktəbi oxuyub, 5 nəfərlik ailənin ilk övladı olan Elvin özündən balaca iki bacısına tək qardaş yox, həm də dayaq olub. O, hərbi xidmətini Beyləqanda keçib, müharibə başlayan kimi də döyüşə gedir. Tez-tez ailəsi ilə əlaqə saxlayan Elvindən 2 oktyabrda üzücü xəbər gəlib. Şəhid Elvin İsmayılov Sumqayıt Şəhidlər Xiyabanında dəfn olunub.
Allah rəhmət eləsin.
Xəbərdən istifadə edərkən istinad etmək vacibdir.
