Sumqayıt şəhərində şəhid ailələri üzvlərinin, müharibə ilə əlaqədar xəsarət
almış hərbi qulluqçuların və əlilliyi müəyyən edilmiş şəxslərin məşğulluğuna və
sosial problemlərinin həllinə dəstək olmaq məqsədi ilə Sumqayıt Şəhər İcra
Hakimiyyəti yanında Əlaqələndirmə Mərkəzi yaradılıb.
Xeberle.com xəbər verir ki, bununla bağlı Sumqayıt şəhər İcra Hakimiyyətinin
başçısı Zakir Fərəcov sərəncam imzalayıb.
Əlaqələndirmə Mərkəzində şəhid ailələrinin üzvləri, qazilər, Sumqayıt şəhər
İcra Hakimiyyətinin və aidiyyatı qurumların əməkdaşları təmsil olunur.
Əlaqələndirmə Mərkəzi məşğulluqla bağlı müvafiq tədbirlərin icrasını təmin
edəcək, işsiz əhalidən daxil olan məlumatlar əsasında müvafiq təkliflərin
işlənib hazırlanması və zəruri tədbirlərin həyata keçirilməsini təşkil edəcək.
Xəbərdən istifadə edərkən istinad etmək vacibdir.
