Sumqayıt şəhərində şəhidlərimiz – leytenant Əzizov Teymur Əli
oğlunun, gizir Mütəllimov Qəzənfər Ədalət oğlunun, əsgər Əliyev Emil
Əziz oğlunun, Əsgər Babayev Pərvin Hüsen oğlunun və əsgər Verdiyev
İsax Ədalət oğlunun il mərasimləri keçirilib.
Mərasimdə Sumqayıt şəhər İcra Hakimiyyətinin başçısı Zakir Fərəcov,
Azərbaycan Respublikası Səfərbərlik və Hərbi Xidmətə Çağırış üzrə Dövlət
Xidmətinin Sumqayıt şəhər baş idarəsinin rəisi, general-mayor Natiq
Qarayev, Millət vəkilləri Emin Hacıyev, Müşfiq Məmmədli, Sumqayıt şəhər
Cümə Məscidinin Axundu Hacı Rauf Sərdərov, şəhid ailələri, qazilər və
şəhər ictimaiyyətinin nümayəndələri iştirak ediblər.
Şəhidlərimizin keçdiyi döyüş yollarından danışılıb, göstərdikləri
şücaət və qəhrəmanlıqlardan söz açılıb. Ruhlarına dualar oxunub.
Xəbərdən istifadə edərkən istinad etmək vacibdir.
