Azərbaycan Respublikasının Prezidenti yanında Gənclər Fondunun “Sağlam Gənclik üçün İdman” layihəsinin icrasına başlanılıb.  Təqdimat mərasimində layihə rəhbəri Sərvər Hüseynov  layihənin əsas məqsədinin  gənclər arasında sağlam həyat tərzinin təbliğ olunması, gəncləri sağlamlıqlarının önəmi mövzusunda maarifləndirmək, gənclərin sosial bir layihədə birlikdə hərəkət etmələri bacarıqlarının formalaşdırmaq, gündə 1-saat idman gəzintisinə vaxt ayırmaqla bədən tarazlığının qorunmasına, uzun və sağlam ömür yaşamağımıza və gözəl bədən quruluşuna sahib ola biləcəyimizə diqqəti çəkməkdir.

Layihə çərçivəsində gənclərin idman geyimlərində Sumqayıt şəhərində Nəsimi adına dənizkənarı parkda toplaşaraq parkdaxili və sahilboyu idman gəzintisi, eyni zamanda idman meydançasında idman etmələri və sonda istirahətləri təşkil olunacaq.