"Rahim, sən məhkəmədə sumqayıtlıların qarşısında bir-bir cavab verməlisən!"
Bu sözləri Birlik.az saytının baş redaktoru Vüsal Hətəmov öz feysbuk səhifəsində bildirib. O, Sumqayıt şəhər Təmizlik Departamentinin rəisi Rahim Mustafayevin jurnalistə qazovka ilə əlaqədar verdiyi suala "əşi, hərəyə bir dəfə açıqlama verən deyiləm ki?" sözlərinə şərh verərkən deyib. Vüsal Hətəmovun fikirlərini olduğu kimi nəzərinizə çatdırırıq: "Sumqayıt şəhər Təmizlik Departamentinin rəisi Rahim Mustafayev Xeberlent.az-ın jurnalistlərinə deyib ki, "biz tüstü ilə bağlı hərəyə bir dəfə məlumat verən deyilik ki?" Və telefonu da atıb yerə. Rahim, sən əslində, məhkəmə qarşısında oturaraq müttəhim kimi yarım milyonluq əhalinin hamısına bir-bir cavab verməlisən. Sənin məsuliyyətsizliyin, bəlkə də, qərəzli, mənafeyini güddüyündən irəli gələn gözyummalarının altını hər bir sumqayıtlı tək-tək əziyyətini çəkir.”   Qeyd edək ki, bir neçə saat bundan öncə, Xeberlent.az saytının əməkdaşı R.Mustafayevlə şəhərdə gələn qazovka iyinin nə zaman sona çatacağını öyrənməyə çalışsa da, o, əməkdaşımızla kobudcasına danışaraq, telefonu onun üzünə söndürüb. (xeberlent.az)