Xeberle.com-a açıqlama verən Milli Məclisin Səhiyyə Komitəsinin üzvü, deputat Müşfiq Məmmədli qeyd edib ki, viruslar adətən havalar soyuyanda aktivləşir.

M. Məmmədlinin sözlərinə görə, mövsümü amillərlə əlaqəli olaraq respirator xəstəliklərin artması təbiidir: "Koronavirus pandemiya şəklində yayılarkən biz digər resperator xəstəliklərin yayılmasında ciddi azalma müşahidə etdik. Buna səbəb koronavirusun daha virulentlə olması digər virus infeksiyaları arasında dırnaqarası bir rəqabətlilik olmasının göstəricisidir. Hazırda respirator xəstəliklərdə artım dinamikası müşahidə olunur. Lakin bu artım qeyri-adi artım şəklində deyil. Müraciətlərin sayı artsa da, kütləvi şəkildə yoluxma müşahidə olunmur”.

Deputat respirator xəstəliklərdə artımın olmasının digər səbəbini də açıqlayıb:

"Respirator xəstəliklərdə müəyyən artımın olması ənənəvi təhsil prosesinin açılması ilə də əlaqədardır. Respirator xəstəliklərin yayılmasında başlıca amillərdən biri qapalı yerdə sıx təmasdır. Anormallıq müşahidə olunmur, bu mövsümlərdə resperator xəstəliklərin artması normaldır”.

Xədicə Səxavətqızı

Xeberle.com