Bu gün Azərbaycan Xalq Cümhuriyyətinin qurucularından olan Məhəmməd Əmin Rəsulzadənin anadan olmasının 131-ci ildönümü münasibəti ilə Sumqayıtda M.Ə.Rəsulzadə adına 2 saylı kitabxana-filialında "Rəsulzadə və Azərbaycançılıq” mövzusunda tədbir keçirilib. Tədbirdə 14 saylı orta məktəbin tarix müəllimi Kamal Poladov, Samir Əfəndiyev, kitabxananın fəal və qocaman oxucuları, hazırda təqaüddə olan Tərlan Rufullayev və Vaqif Qafarov, həmçinin müxtəlif universitetlərdə təhsil alan tələbələr və 14 saylı orta məktəbin şagirdləri iştirak ediblər. Tədbirdə mövzu ilə əlaqədar 14 saylı tam orta məktəbin tarix müəllimləri Kamal Poladov, Samir Əfəndiyev, BDU -nu magistrləri Bəhrəm Bəhrəmli və Elçin Zamanlı çıxış ediblər. Sonda kitabxananın əməkdaşı Məlahət İsgəndərova "Azərbaycan xalq Cumhuriyyətinin banisi" mövzusunda təşkil olunmuş sərgi haqqında tədbir iştirakçılarına geniş məlumat verib.

Anım tədbiri müzakirə şəraitində başa çatıb.