"Hazırda minlərlə insan Mənzil Tikinti Kooperativlərinin (MTK) fırıldaqçı əməllərindən əziyyət çəkir. Tikinti şirkətləri hələ tikib bitirmədikləri mənzilləri eyni zamanda bir neçə adama satırlar. Bu məsələlərlə bağlı cinayət işləri qaldırılsa da, əhalinin problemi həll olunmur”.

Bu məsələni hüquqi müstəvidə həll etmək üçün deputat Çinqiz Qənizadə "Daşınmaz əmlakın dövlət reyestri haqqında” qanuna dəyişiklik təklif edib. Onun fikrincə, bu dəyişiklikdən sonra hətta tikintisi başa çatmamış əmlakı belə qeydiyyatdan keçirmək mümkün olacaq: "Yəni MTK rəhbəri həmin mənzili digər adama satmaq istəsə, artıq bu əmlakın başqa adam tərəfindən qeydiyyata salındığı bəlli olacaq.  Bir çox ölkələrdə belə qanun qüvvədədir. Məsələn, Rusiyada cüzi məbləğ – 100 rubl rüsum alınır. Bir-iki maddənin çıxarılması ilə bu qanun işləyə bilər”.

Deputatın qaldırdığı digər bir məqam isə Cinayət Məcəlləsinin 228-ci maddəsinə aid olub: "Bu gün gənclərimiz soyuq silah gəzdirib bir-birilərinin başını kəsirlər. Ancaq sözügedən maddənin 4-cü bəndində soyuq silahla bağlı xüsusi qadağa var. Hesab edirəm ki, bu maddəyə yenidən baxmaq və qanuna daha sərt dəyişiklik etmək lazımdır”.  (modern)