STP Şirkətlər qrupu Böyük qələbəmizdən sonra ilk dəfə qeyd etdiyimiz 8 noyabr, Zəfər Günü münasibətilə Zəfər ağacı abidəsi hazırlayıb.
Xeberle.com xəbər verir ki, abidə 44 günlük Vətən müharibəsində canından keçmiş qəhrəman şəhidlərimizin əziz xatirəsini əbədiləşdirmək məqsədi daşıyır. Zəfər ağacı paslanmaya davamlı metaldan hazırlanmış gövdə və budaqlardan, həmçinin budaqlardan asılmış şəhidlərimizin adları yazılmış 3000 metal hərbi adlıqlardan ibarətdir. Ağacın hündürlüyü 2.9 metr, eni 2.2 metr və çəkisi 400 kq-dır. Zəfər Ağacı Sumqayıt Şəhərinin Şəhidlər Xiyabanında quraşdırılıb.
Allah bütün şəhidlərimizə rəhmət eləsin!
Xəbərdən istifadə edərkən istinad etmək vacibdir.
