"Hünər Meydanı” adlı sirk proqramı ilk olaraq 8 noyabrda Bakı Dövlət Sirkində nümayiş olunub.
Xeberle com xəbər verir ki, proqramın nümayişindən öncə milli truppa və rusiyalı sirk ustaları ilə birgə şəhərin mərkəzinə Zəfər yürüşü təşkil edilib.
Bundan başqa "Dəmir yumruq” videoçarxı nümayiş olunandan sonra sirk nömrələri təqdim olunub.
8 və 9 noyabr tarixlərində təqdim olunan sirk proqramı öncə Qarabağ savaşlarında mərdlik, igidlik və şücaət göstərən qəhrəmanlarımızın övladları və ailələri üçün xeyriyyə məqsədi ilə təşkil edilib.
"Hünər Meydanı” adlı sirk proqramı 8 və 9 noyabr tarixlərindən sonra həftənin cümə günü bir, şənbə və bazar günləri isə iki seans olmaqla digər tamaşaçılar üçün nümayişi nəzərdə tutulub.
Proqramda akrobat, kaskadyor, gimnast, ekvilibrist, virtuoz kəndirbaz və güc ekstremallarının əyləncəli çıxışlarına yer verilib. Bundan başqa tamaşçıları bu proqramda moto və rəqs şousu da gözləyir.
Sirk tamaşası 2022 - ci ilin 10 yanvar tarixinə kimi Bakı Dövlət Sirkinin repertuarında olacaq.
Qeyd edək ki, tamaşaçılar proqramın biletini online olaraq https://iticket.az/ saytından əldə edə bilərlər.
Eyni zamanda biletlər iticket.az –ın canlı satış məntəqələri vasitəsi ilə də satılacaq.
Əlaqə nömrələri (+99412) 597 31 81
+994 55 775 27 27
Xəbərdən istifadə edərkən istinad etmək vacibdir.
