Bu ilin 10 ayında pensiya, müavinət, təqaüd, ünvanlı yardım üzrə ötən ilin eyni dövrünə nisbətən 166,5 mln. manat çox olmaqla 4 mlrd. 949 mln. manat vəsait ödənilib
Bu barədə Xeberle.com-a Əmək və Əhalinin Sosial Müdafiəsi Nazirliyindən məlumat verilib.
Qeyd olunub ki, 2021-ci ilin yanvar-oktyabr aylarında nazirliyin tabeliyindəki Dövlət Sosial Müdafiə Fondu tərəfindən pensiya, müavinət, təqaüd, ünvanlı dövlət sosial yardımı üzrə əhaliyə 4 mlrd. 949 mln. manat vəsait ödənilib. Bu da ötən ilin eyni dövründə müvafiq istiqamət üzrə ödənilən vəsaitə nisbətən 3,5% və ya 166,5 mln. manat çoxdur.
Pensiya, müavinət, təqaüd, ünvanlı dövlət sosial yardımı üzrə ödənişlər 2,4 milyon nəfəri əhatə edib.
Xəbərdən istifadə edərkən istinad etmək vacibdir.
