Xeberle.com xəbər verir ki, Daxili İşlər Nazirliyinin Baş Cinayət Axtarışı İdarəsinin rəisi, polis general- mayoru Arzu Daşdəmirov, Sumqayıt şəhər Polis İdarəsinin rəisi, polis polkovniki Fəqan Azadəliyev və Daxili Qoşunların hərbi qulluqçuları şəhidin məzarını ziyarət edib. Şəhidin məzarı önünə əklil və çiçək dəstələri düzülüb. Azərbaycanın ərazi bütövlüyü uğrunda canından keçmiş bütün şəhidlərimizin əziz xatirəsi bir dəqiqəlik sükutla yad edilib.Şəhidlərin hər bir gənc üçün örnək olan ömür yolundan, eləcə də Vətən müharibəsindəki hərbi əməliyyatlar zamanı göstərdiyi hünərlərdən danışılıb. Şəhidlərin ailə üzvləri Vətənə xidmətin hər bir övladın borcu olduğunu deyərək, övladları ilə fəxr etdiklərini, şəhid ailələrinə göstərilən diqqət və qayğıya görə ölkə rəhbərliyinə minnətdarlıqlarını bildiriblər.

Daha sonra şəhid Vüsal Allahyarovun yaşadığı Corat bağları ərazisində abidə-bulaq kompleksinin açılışı olub .22 aprel 1988-ci ildə Sumqayıt şəhərində anadan olan Vüsal Allahyarov, DİN-in Daxili Qoşunlarının xüsusi təyinatlı dəstəsində yarımqrup komandiri vəzifəsində xidmət edib. Vətən Müharibəsi zamanı Şuşa şəhəri uğrunda gedən döyüşlərdə qəhrəmancasına həlak olub. 12. Noyabr 2020-ci il tarixdə Sumqayıt Şəhidlər Xiyabanında dəfn edilib.  Evli idi. 2 övladı yadigar qalıb. Xidməti dövründə III dərəcəli "Qüsursuz xidmətə görə”, döyüşlərdə göstərdiyi igidliyə görə isə ölümündən "Qarabağ”, ordeni "Vətən uğrunda”, "Füzulinin azad olunmasına görə” və   "Şuşanın azad olunmasına görə” medalları ilə təltif edilib.