Sumqayıtın ən böyük problemlərindən biri də mənzillərin əksəriyyətinin
istliklə təchiz olunmamasıdır.
Bu aylarda əhalinin istilik sistemi ilə təchizatı məsələsi
gündəmə gəlir. Sumqayıtın istilik sistemi ilə tam təchiz olunması məsələsi illərdir
ki, çözülməmiş qalır.
Hər il
noyabr ayının 15-i binalarda istilik sitemləri işə salınır.
Bəs görəsən bu mövsüm evlərə istilik nə vaxtdan
veriləcək? Vətəndaşlar istilik sarıdan problemlə üzləşəcəklərmi?
"Azəristiliktəchizat"
ASC-nin "Sumqayıtistiliktəchizat" İdarəsindən Xeberle.com-a verilən məlumata
görə, Sumqayıt şəhəri üzrə bu il ümumilikdə 263 (10 min mənzil) yaşayış
binasına istilik verilməsi planlaşdırılır: "Sumqayıtda 24 qazanxana fəaliyyətə başlamaq üçün tam hazırdır. Noyabrın
15-dən istilik sisteminin işə salınması nəzərdə tutulur. 24 qazanxanadan 6-sı modul tipli daşına bilən
qazanxanadır, hansı ki, məktəblərə xidmət göstərir”.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
