Sumqayıt Şəhər İcra Hakimiyyəti Başçısı yanında Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyanın, Sumqayıt şəhər Polis İdarəsi, şəhər Gənclər və İdman Baş İdarəsi, Təhsil Şöbəsi və Narkoloji Dispanserin birgə təşkilatçılığı ilə "Sumqayıt Narkomaniyaya Yox Deyir” devizi altında ümumtəhsil müəssisələrində maarifləndirici xarakterli görüşlər davam edir. Məqsəd məktəbliləri sağlam həyat tərzinə təşviq etmək, narkomaniya, tütün, alkoqol və digər psixatrop maddələrin mənfi təsiri ilə bağlı bilikləndirmək və bu sahədə davranışlarını təkmilləşdirməkdir.
19 noyabr 2021-ci il tarixində 41 nömrəli tam orta məktəbdə mövcud pandemiya qaydalarına uyğun keçirilən növbəti görüşdə çıxış edən Sumqayıt şəhər Gənclər və İdman Baş İdarəsinin rəisi Elgün Hümbətov, şəhər Polis İdarəsinin əməkdaşı Ramal Emilli, Təhsil şöbəsinin metodisti Cəmilə Fəyyaz Respublikamızda narkomaniya və narkobizneslə mübarizənin ən üst səviyyədə aparıldığını, şəhərimizdə Narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılmasına qarşı mübarizədən irəli gələn vəzifələrdən danışaraq, qabaqlayıcı əməli-profilaktik tədbirlərin mütəmadi olaraq həyata keçirildiyini bildirmişdir.
Tədbirdə iştirakçılara narkomaniyanın fəsadlarını əks etdirən "Ampula” adlı videoçarx nümayiş olunmuşdur.
Sonda mövzu ətrafında gənclərlə fikir mübadiləsi aparılmış, onları maraqlandıran suallar cavablandırılmışdır.
Xəbərdən istifadə edərkən istinad etmək vacibdir.