Böyük qələbə ilə başa çatan Vətən müharibəsində, şəhidlik zirvəsinə ucalan şəhidimiz Azərbaycan Silahlı Qüvvələrinin XTQ kəşfiyyatçısı Nadir İlqar oğlu  Rzayevin və əmisi birinci qarabağ müharibəsi şəhidi Nadir Sabir oğlu Rzayevin abidə kompleksinin açılış olub.Açılış mərasimində bildirilib ki,1994-cü ilin yanvar ayında şəhid olan əmisinin xatirəsinə eyni ildə anadan olan Nadirə əmisinin adını daşımaq nəsib olur.şəhid Nadir də əmisi Nadirin adını daşıdığı kimi, onunla eyni taleyi yaşayıb. Nadir İlqar oğlu  Rzayev18 noyabr 1994-cü ildə dünyaya gəlib. O, 2000-2011-ci illərdə Sumqayıt şəhər 17 saylı tam orta məktəbdə təhsil alıb. O, 2011-ci ildə Azərbaycan Silahlı Qüvvələrinin sıralarında hərbi xidmətdə iştirak edərək, 2014-cü ildən artıq Xüsusi Təyinatlı Dəstələrin tərkibində müddətdən artıq həqiqi hərbi xidmət keçib. Azərbaycan Ordusunun kəşfiyyatçısı olan Rzayev Nadir İlqar oğlu 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı ön cəbhəyə gedərək Füzuli və Cəbrayıl istiqamətində gedən döyüşlərdə xüsusi təyinatlıların tərkibində savaşıb. Nadir Rzayev son nəfəsinə kimi torpaqlarımızın azad olunması uğrunda sücaət göstərərək, döyüş bölgəsində Füzuli rayonu istiqamətində döyüş tapşırığının yerinə yetirilməsi zamanı şəhidlik zirvəsinə ucalmışdır. Şəhidimiz Sumqayıt Şəhidlər Xiyabanında dəfn olunub.