Sumqayıtda narkomaniya ilə mübarizə tədbirləri davam etdirilir.Növbəti tədbir Yeni Azərbaycan Partiyası Sumqayıt şəhər təşkilatının inzibati binasında həyata keçirilib.Narkomaniyaya yox deyək,əsrin bəlası olan ağ ölümlə mübarizə mövzusunda təşkil edilən tədbirdə Sumqayıt şəhər Polis idarəsinin,Təhsil şöbəsinin,Narkoloji dispanserin,Gənclər və idman baş idarəsinin nümayəndələri və peşə məktəblərinin müəllim və şagirdləri iştirak edib.Tədbirdə çıxış edən Sumqayıt şəhər Polis idarəsinin əməkdaşı Azər Bağırov bildirib ki,Cəmiyyətdə "ağ ölüm” kimi qəbul edilən, bəşər övladının baş bəlasına çevrilən, əhalinin, daha doğrusu, gənc nəslin bir qismində sonsuz maraq doğuran, aludəçilik yaradan, müalicəsi olduqca çətin və uzun müddət tələb edən, insan cəmiyyətinin mənəvi və əxlaqi dəyərlərinə böyük zərbə vuran narkotik vasitələr, onların qanunsuz dövriyyəsi, istifadəsi, satışı, ümumiyyətlə, narkomanlıq ən ağrılı problemlərdən, qorxulu vərdişlərdən birinə çevrilib.Bunun qarşısının alınması üçün ölkəmizdə mühüm addımlar atılır.Narkotiklərlə mübarizə bölməsinin rəisi İlham Rəhimov,Sumqayıt şəhərində narkotiklərlə mübarizə işlərində mühüm addımların atıldığını bildirib və bir çox işlərə də nail olunduğu diqqətə çatdırılıb.Sumqayıt şəhər Təhsil Şöbəsinin metodisti Cəmilə Fəyyaz gənclər arasında keçirilən bu cür tədbirlərin əhəmiyyətindən danışıb. Bildirilib ki, Narkotik maddələrin gənc nəsillər arasında daha tez yayılması təhlükəsini nəzərə alaraq, dünyanın bir çox ölkələri "Narkotiksiz gələcək naminə” milli proqramlar qəbul edir. Bu proqrama təhsil ocaqlarında, hüquq mühafizə orqanlarında, təşkilatlarda narkomaniyanın ziyanı haqqında maarifləndirmə kompaniyaları daxildir. Bu kompaniyalar kütləvi informasiya vasitələri, o cümlədən internet şəbəkəsi vasitəsilə aparılır.Narkoloji dispanserin həkimi Vüsal Cabbarov narkotik vasitə qəbul edən insanların bədənlərində əmələ gələn yaralardan,onların həyatının necə mərhələli şəkildə məhvə doğru getməsindən danışıb.respublikamızda narkotik vasitələrin,psixotrop maddələrin və onların prekursorlarının, digər bihuşedici maddələrin qanunsuz dövriyyəsinə qarşı mübarizə xeyli güclənib.Gənclər və idman baş idarəsinin əməkdaşı Ceyhun Hüseynov bildirib ki,Cəmiyyəti bu bəladan xilas etmək, yeni nəslin sağlam böyüməsi, gələcəyimiz olan gənclərin bu yoluxucu xəstəliyə tutulmalarının qarşısını almaq dövlətimizin başlıca vəzifələrindən biridir və daimi nəzarətindədir.Digər çıxış edənlər də keçirilən tədbirin əhəmiyyətindən danışıblar.Gənclərə öz tövsiyyələrini veriblər.Çıxışlardan sonra Narkomaniyanın fəsadlarından bəhs edən videoçarxa baxılıb.Tədbir diskussiya şəklində davam etdirilib.
Xəbərdən istifadə edərkən istinad etmək vacibdir.
