IDEA İctimai Birliyinin 3 noyabr tarixində start verdiyi "Şən bəbirlər” adlı ekoloji müsabiqə yekunlaşıb. Müsabiqədə iştirak edən 50-ə yaxın uşaq bəbiri və digər pişikkimiləri təsvir edən geyimlərdə çəkilmiş fotolarını IDEA İB-yə göndərmişdir.

Müsabiqənin münsiflər heyəti müsabiqəyə daxil olan çoxsaylı fotolar arasından ən yaxşı və yaradıcı 3 fotonu seçərək müsabiqənin qalibi elan etmişdir. Qaliblər IDEA İB tərəfindən qiymətli hədiyyələrlə mükafatlandırılmışlar.

Mükafatlandırma mərasimi zamanı qaliblər bildirmişlər ki, müsabiqəyə hazırlaşarkən onlar bəbirlər barədə geniş məlumat əldə etmiş, bu nadir heyvan növünün yaşayış tərzi, məskunlaşdığı ərazilər və digər xüsusiyyətləri ilə maraqlanmışlar. Qeyd olunmuşdur ki, bəbir geyimlərinin hazılanmasında bu biliklər xüsusi rol oynamışdır.

Uşaqlar tərəfindən yüksək maraqla qarşılanan layihənin məqsədi Qafqaz regionun nadir heyvan cinslərindən olan bəbirin tanıdılması və gənc nəslin biomüxtəlifliyimizin mühafizəsinə təşviq edilməsindən ibarət olmuşdur. 

Xeberle.com