Sumqayıt şəhər Gənclər və İdman Baş İdarəsinin təşkilatçılığı ilə Heydər Əliyev Mərkəzində 05 dekabr – "Beynəlxalq Könüllülər günü” münasibətilə şəhərin müxtəlif sahələrini təmsil edən gənclər təşkilatlarının nümayəndələri və könüllü gənclərlə görüş keçirilmişdir.
Görüşdə çıxış edən Baş İdarənin Gənclərlə iş sektorunun müdiri Ceyhun Hüseynov ölkəmizdə və şəhərdə aparılan uğurlu dövlət gənclər siyasətindən, Ali Baş Komandanın rəhbərliyi ilə 44 – günlük Vətən müharibəsində əldə edilən tarixi zəfərdən danışaraq bütün Azərbaycanın fonunda Sumqayıt şəhərindən də yüzlərlə gənc könüllünün ordu sıralarına qoşulduğunu qeyd etmişdir. Bildirdi ki, Sumqayıt şəhərində könüllülük fəlsəfəsinin inkişafı gənclər siyasətinin mühüm istiqamətlərindən biri kimi qəbul edilir və könüllülük fəaliyyəti haqqında” Azərbaycan Respublikasının Qanununa müvafiq olaraq gənclərin ictimai fəallığının artırılması və könüllülük fəaliyyətinə cəlb olunması sahəsində ardıcıl işlər həyata keçirilir. Gənclərin könüllülük fəaliyyətinə cəlb olunması onların məşğulluğunun təmin edilməsi, şəxsi inkişafına şəraitin yaradılması, sosial fəaliyyətlərinin artırılması, bilik və bacarıqlarının üzə çıxarılması, asudə vaxtlarının səmərəli təşkili baxımından mühüm əhəmiyyətə malikdir və cari ildə pandemiya ilə əlaqədar həyata keçirilən maarifləndirici aksiyalar şəhərimizin könüllülük hərəkatına öz töhfəsini vermişdir.
Görüşdə Gənclərin İnkişaf və Karyera Mərkəzinin Sumqayıt nümayəndələyi, şəhər Təhsil şöbəsinin Gənc Müəllimlər Şurası, Sumqayıt Könüllü Cəmiyyəti, Sumqayıt Gənclər Evi, Sumqayıt Dövlət Texniki Kollecinin Tələbə Gənclər Təşkilatı, Gənclər Klubu və Sumqayıt İntellekt Mərkəzinin 2021-ci il ərzindəki hesabat çıxışları dinlənilmişdir.
Tədbirdə 05 dekabr – "Beynəlxalq Könüllülər günü” münasibətilə il ərzində fərqlənmiş bir qrup könüllüyə Baş İdarənin fəxri fərmanları təqdim edilmişdir.
Sonda gənclər təşkilatlarının fəaliyyəti, onların qarşılaşdığı problemlərin həlli yolları təhlil edilmiş, təkliflər dinlənilmiş, onları maraqlandıran suallar cavablandırılmışdır.
Xəbərdən istifadə edərkən istinad etmək vacibdir.
