Sumqayıt Dövlət Rəsm Qalereyası Sumqayıt Gənclər İdman Baş İdarəsinin birgə təşkilatçılığı ilə "Narkomaniyaya yox deyək" devizi altında sərgi-tədbir təşkil edilib.
Xeberle.com xəbər verir ki, tədbirdə Sumqayıt məktəblilərinin mövzuya aid rəsmləri sərgilənib, narkomaniyaya yox deyək mövzusunda videoçarxlar nümayiş olunub və qonaqlar tərəfindən maraqla qarşılanıb.
Tədbirdə Sumqayıt şəhər Polis İdarəsinin, Sumqayıt şəhər Təhsil Şöbəsinin, Sumqayıt şəhər Narkoloji Dispanserin nümayəndələri çıxış edərək yaşadığımız dövrün ən aktual problemi olan narkomaniya və onun fəsadlarından söz açmış, bu cür maarifləndirmə tədbirlərinin daha da genişləndirilməsinin vacibliyini vurğulamışlar.
Sonda qalereyanın direktoru Ellada Həsənova tədbir iştirakçılarına təşəkkürünü bildirib və sərgidə iştirak edən məktəbliləri sertifikatla təltif edilib.
Xəbərdən istifadə edərkən istinad etmək vacibdir.
