O, nə az, nə çox düz 22 il Sumqayıt Bələdiyyə Parkının direktoru işləyib. Onu 40 gün bundan öncə dünyanı cənginə alan COVİD 19 infeksiyası işıqlı dünyadan köçürdü.
Xeberle.com-un məlumatına görə, söhbət 1999-cu ildən 2021-ci ilin fevral ayına qədər Sumqayıt Bələdiyyə Parkının direktoru Nəcəfov Rafik Əmir oğlundan gedir.
R. Nəcəfov 1952-c ildə Zəngilan rayonunda anadan olub. Orta təhsilini Zəngilanda başa vuran R. Nəcəfov ali təhsil almaq üçün paytaxt Bakıya gəlib. O. təhsil aldğı müddətdə ilk əmək fəaliyyətinə də başlayıb. Uzun illər tikinti sahəsində çalışıb. Ali təhsilini bitirdikdən sonra müxtəlif vəzifələrdə çalışıb. Sonralar Sumqayıt Dəmir Beton Məmulatları zavodunda baş mühəndis işləyib. Sumqayıtda asfalt örtüyü istehsal edən ilk müasir zavoda rəhbərlik edib. Ölkədə baş verən proseslər, iqtisadi vəziyyətin pisləşməsi həmin zavoddan da yan keçməyib və müəssisə fəaliyyətini dayandırıb.
1999-cu ildə Sumqayıtda ilk bələdiyyə yarandıqdan sonra bələdiyyənin sədri olmuş Zakir Fərəcov tərəfindən bələdiyyə parkının direktoru təyin olunub. O, bu vəzifədə 22 il çalışıb. Bu ilin fevral ayında isə tutduğu vəzifədən azad edilib.
Noyabrın 5-də 69 yaşında vəfat edib. Bu gün ölümündən 40 gün ötür.
Turqut Rzalı
Xəbərdən istifadə edərkən istinad etmək vacibdir.
