Sumqayıt şəhərində Azərbaycanın ərazi bütövlüyü uğrunda gedən döyüşlərdə şəhid olmuş Rəciyev İlham Cavadxan oğlunun xatirəsinə bulaq inşa edilib.
Xeberle.com xəbər verir ki, Milli Məclisin deputatı Hicran Hüseynova şəhid bulağıni ziyarət edərək əziz xatirəsini yad edib, gül dəstələri düzüb. O, şəhidin ailəsinə başsağlığı verib, problemləri və yaşayış tərzi ilə maraqlanıb. Deputat hər zaman ailənin yanında olacağını bildirib.
H.Hüseynova dövlətin də şəhid ailələrinə xüsusi diqqət və qayğısı olduğunu diqqətə çatdırıb.
Şəhidin valideyni diqqət və qayğıya görə həm dövlətimizə, həm də millət vəkilinə təşəkkür edib.
Qeyd edək ki, İ. Rəciyev 1966-cı ildə anadan olub. 1994-cü ilin aprelin 18-də şəhid olub.
Xəbərdən istifadə edərkən istinad etmək vacibdir.
