Bu sözləri Xeberle.com-a açıqlamasında Sumqayıtda Novxanı şossesi ərazisində fəaliyyət göstərən ""Dəyirman" restoranının sahibi Aslan Seyidəmirov deyib. A. Seyidəmirov qeyd edib ki, restoranın hansısa generala məxsus olması barədə yazılanlar isə yalan və cəfəngiyyatdır: "Bu restoranda mənim öz ailəm, dost tanışlarımız və onların ailələri tez-tez qonağımız olur. Xidmətlərimizdə göz önündədir, müştəri sevgisini qazanan bir restoran görünür bəzilərinin ürəyinə dağ olub.  Bizim müştərilər yaxşı bilirlər ki, yayılan məlumatlar restoranın adına ləkə gətirmək üçün məqsədyönlü şəkildə hazırlanıb və paylaşılıb". 

Restoran sahibi  yalan məlumat yayanları obyektə də dəvət edib və belə addımların hüquqi məsuliyyət daşıdığını vurğulayıb: "Yaxşı olardı ki,restorana  baş çəkərdilər, həqiqətləri gözləri ilə görüb dərc edərdilər. Yalan və şər-böhtan xarakterli məlumatlar paylaşmaqla o şəxslər hüquqi müstəvidə cavab verməli olacaqlar. Yazılanlar həqiqət olsaydı bunu sübuta yetirən foto və ya video görüntülər yayardılar".

Xatırladaq ki, sosial şəbəkələrdə "Dəyirman" restoranında qumar oyunlarının və əxlaqsız yuvasının təşkil edilidiyi ilə bağlı iddialar yayılmışdı.