Sumqayıt şəhər "ASAN xidmət” mərkəzində ekoloji aksiya keçirilib. Bu haqda ASAN radio məlumat yayıb.
"Bir ağac – min nəfəs” devizi altında keçirilən aksiya şəhərin Bakı küçəsində yerləşən "ASAN xidmət”in önündə baş tutub. Burada vətəndaşlara ağac tingləri paylanılıb.
Tinglərin paylanılması aksiyaları Bakıda və bölgələrdə növbəti günlərdə də davam etdiriləcək. Aksiya "ASAN Könüllülük” Məktəbinin "Yaşıl ASAN” proqramının və Ekologiya və Təbii Sərvətlər Nazirliyinin birgə təşkilatçılığı ilə keçirilib.
Xəbərdən istifadə edərkən istinad etmək vacibdir.
