Xəbər verdiyimiz kimi, Sumqayıt Şəhər Məhkəməsinə yeni hakim təyin olunub.
Ötən gün Prezident İlham Əliyev bununla bağlı sərəncam imzalayıb.
Sərəncama əsasən, Hacıyev Zaur Arif oğlu adıçəkilən məhkəməyə təyinat alıb.
Xeberle.com-un məlumatına görə, Sumqayıt Şəhər Məhkəməsinə təyin olunan hakim Zaur Hacıyev 1981-ci ildə anadan olub. Z. Hacıyev 2002-ci ildə Gürcüstan Humanitar Texniki İnstitutunun Hüquq fakültəsini bitirib. Əmək fəaliyyətinə 2007-ci ildə Bakı şəhəri Səbail Rayon Məhkəməsində iclas katibi, böyük məsləhətçi kimi başlayıb. O, bu vəzifədə 2018-ci ilədək işləyib. 2018-ci ildə isə Bakı Şəhəri Sabunçu Rayon Məhkəməsinin hakimi təyin olunub.
21 dekabr 2021-ci ilədək bu vəzifədə çalışıb.
Ötən gün isə Prezident İlham Əliyevin sərəncamı ilə Sumqayıt Şəhər Məhkəməsinin hakimi təyin olunub.
Xəbərdən istifadə edərkən istinad etmək vacibdir.
