Sumqayıt şəhər 41 nömrəli tam orta məktəbdə Milli Məclisin deputatı Hicran xanım Hüseynovanın təşəbbüsü və təşkilatçılığı ilə "Uşaq Hüquqlarının Müdafiəsi” adlı maarifləndirici tədbir keçirilib.
Xeberle.com xəbər verir ki, tədbir Azərbaycan Respublikasının Dövlət Himni ilə başlayıb. Sonra torpaqlarımız uğrunda canından keçən qəhrəman oğullarımızın əziz xatirəsi bir dəqiqəlik sükutla yad edilib.
Uşaq Hüquqlarına aid "Hüquqlarımızı qoruyaq” başlığı altında hazırlanmış videoçarx nümayiş etdirilib.
Sonra söz tədbirdə iştirak edən qonaqlara verilib Əvvəlcə Vəkillər Kollegiyasının Rəyasət heyyətinin üzvü, hüquq üzrə fəlsəfə doktoru Lalə Nağıyeva çıxış edərək şagirdlərə mövzu ilə bağlı geniş məlumat verib. Şagirdlərlə qarşılıqlı diskussiya quraraq onların verdiyi sualları cavablandırıb.
Daha sonra digər qonaqlar – deputat Tahir Mirkişilinin köməkçisi Cavid Quliyev, deputat Hicran Hüseynovanın köməkçisi Elçin Kərimov, deputat Emin Hacıyev köməkçisi Anar Mustafayev, deputat Müşfiq Məmmədlinin köməkçisi Kamal Almuradlı çıxış edərək şagirdlərə hüquq və vəzifələrini bilmək və ona əməl etmələrini tövsiyə ediblər.
Tədbirdə Sumqayıt Şəhər İcra Hakimiyyətinin nümayəndəsi Samir Bədəlov, 20 saylı Mənzil Kommunal İstismar İdarəsinin müdiri Anar Abbasov da iştirak edirdilər.
Xəbərdən istifadə edərkən istinad etmək vacibdir.
