Xəbər verdiyimiz kimi, axşam saatlarında Sumqayıtda 4 nömrəli şəhər xəstəxanasında (Bərpa) yanğın hadisəsi olub. Yanğın söndürülüb, binada olan 129 nəfər isə təxliyyə olunub. Onlardan 32 nəfəri xəstə, 16 işçi və 81 nəfəri isə məcburi köçkün olub.
Xeberle.com-un məlumatına görə, Sumqayıt şəhər İcra Hakimiyyətinin Başçısı Zakir Fərəcov hadisə yerinə gəlib. İcra başçısı ilə yanaşı, Sumqayıt şəhər Polis İdarəsinin rəisi, polis plkovniki Fəqan Azadəliyev, Sumqayıt şəhər prokuroru Müqəddəs Sultanov, "Sumqayıt Tibb Mərkəzi" Publik hüquqi şəxsin direktoru Səkinə Sadıxova da yanğın baş verən ərazidə olublar.
Qeyd edək ki, xəstəxananın bir hissəsində məcburi köçkünlər məskunlaşıb.
Xəbərdən istifadə edərkən istinad etmək vacibdir.
