Xeberle.com-a verilən məlumata görə, təqdimat mərasimlərində ümumilikdə 61 nəfər iştirak edib. Tədbirlərdə layihə rəhbərləri Fatimə Piriyeva və Səbinə İbadovayla yanaşı,  Sabunçuda keçirilən görüş zamanı  Gənclər Evinin direktoru Samir Mehralıyev də çıxış edib. O, Sabunçu Gənclər evi haqqında eləcə də veb sayta olan marağı, veb sayt barəsindəki düşüncələrini iştirakçılarla bölüşüb.

Gənclərin İnkişaf və Karyera Mərkəzinin Sumqayıt nümayəndəliyində kçeirilən təqdimat mərasimində isə qurumun Könüllülər üzrə mütəxəssisi Ləman Muradi çıxış edərək iştirakçıları Gənclərin Karyera İnkişaf Mərkəzinin imkanları, layihənin gənclərə faydalı olması baxımından məlumatlandırıb. Qeyd edək ki, hər iki görüşdə iştirakçıların hər birinə ekoçantalar hədiyyə olunub və xatirə fotosu çəkilib.  

Layihəyə Azərbaycan Respublikasının Gənclər Fondu tərəfindən maliyyə dəstəyi göstərilməklə, gənclər üçün faydalı veb saytın yaradılması mümkün olmuşdur.Gəncləri, eləcə də tələbə olmaq arzusunda olan hər kəsi hədəfləyən "For Students" veb saytının məqsədi istifadəçiləri sayt daxilində Azərbaycanda fəaliyyət göstərməkdə olan unuversitetlər haqqında ətraflı, geniş informasiya bazası ilə təmin etmək, universitetlərlə virtual şəkildə tanış olmaq imkanı ,universitetdə tədris olunan materialların pdf versiyası, eləcə də kağız formalarının satışının təşkilini həyata keçirməkdir. Habelə, universitetlərin təşkil etdiyi tədbirlər, paylaşdığı elanlar, Gənclər təşkilatlarının gənclərin inkişafına yönümlü layihələri, tədbirləri haqqında faydalı məlumatlar da saytda yer alacaqdır. Bu veb saytdan istifadə edəcək şəxslər yeniliklərlə yanaşı, öz yaradıcı fikirlərini, təklif və iradlarını  layihə rəhbərləri ilə bölüşə bilərlər.