"2021-ci il ərzində filialın göndərişi ilə 7145 nəfər işlə təmin edilib ki, onların 27 nəfəri Böyük Vətən Müharibəsi şəhidlərimizin ailə üzvləri, 22 nəfəri qazilər və ailə üzvləri, 77 nəfəri isə, müharibə iştrakçılarıdır. Əlavə olaraq 94 nəfər şəhidimizin ailə üzvləri və qazilərimiz "Məşğulluq marafonu” vasitəsi ilə işlə təmin olunub".
Bu barədə Xeberle.com-a 7 saylı Ərazi Məşğulluq filialından məlumat verilib. Bildirilib ki, ötən il aktiv məşğulluq tədbirlərindən olan özünüməşğulluq proqramı üzrə 579 özünəməşğulluq proqramına cəlb edilmə olub: "Onlardan Vətən Müharibəsi şəhidlərimizin ailə üzvlərindən 129 nəfəri, qazilər və ailə üzvlərinin məşğulluq imkanlarına uyğun olaraq 226 nəfəri, Vətən Müharibəsi iştrakçıları və ailə üzvlərindən 146 özünüməşğulluq proqramına cəlb olunub".
Qeyd edək ki, 7 saylı Ərazi Məşğulluq filialı Sumqayıt şəhəri, Abşeron və Qubadlı rayonlarının inzibati ərazisində yaşayan işaxtaran və işsiz şəxslərə xidmət göstərir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
