Sumqayıt polisi ictimai iaşə obyektlərində reyd keçirib.
Xeberle.com xəbər verir ki, Sumqayıt Polis İdarəsinin əməkdaşları tərəfindən qapalı məkanlarda pandemiya qaydalarına necə riayət olunması ilə bağlı nəzarət tədbirləri davam etdirilir. Qoyulan qaydalara riayət etməyənlər barəsində ciddi tədbirlər görülür.taksi sürücülərinə və marşrut avtobuslarına qarşı da reyd keçirilib.reydin əsas məqsədi koronavirus pandemiyası ilə mübarizədə əhalinin sağlamlığının qorunması və onun törədə biləcəyi fəsadların qarşısının alınmasıdır. Keçirilən tədbirlər zamanı avtomobil nəqliyyatı ilə sərnişindaşıma ilə məşğul olan taksi və avtobus sürücüləri saxlanılıb. Sürücülərin COVİD 19 pasportu, eləcə də sərnişinlərin tənəffüs yollarını qoruyan fərdi vasitələrdən istifadəsinin vəziyyəti yoxlanılıb. Yol polisləri onları ictimai nəqliyyatda olan zaman tənəffüs yollarını qoruyan fərdi vasitələrdən, yəni maskalardan istifadə etməyin zəruriliyi barədə məlumatlandırıblar.Profilaktik tədbir zamanı ictimai nəqliyyat vasitələrində maskadan istifadə etməyən sərnişinlər və sürücülər Sumqayıt Şəhər Dövlət Yol Polisinin əməkdaşları tərəfindən müəyyən ediliblər.
Xəbərdən istifadə edərkən istinad etmək vacibdir.
