Bu gün Sumqayıt şəhərində 44 günlük Vətən müharibəsi zamanı şəhid olmuş Azərbaycan Silahlı Qüvvələrinin kapitanı Ülvi Hüseynov və leytenant Ülvü Məhərrəmovun əziz xatirəsinin əbədiləşdirilməsi məqsədilə hazırlanan barelyefinin açılış mərasimi keçirilib.
Xeberle.com xəbər verir ki, tədbirdə çıxış edən Milli Məclisin deputatı Müşfiq Məmmədli Ali Baş Komandan İlham Əliyevin rəhbərliyi ilə 2020-ci il sentyabrın 27-dən başlanan və şanlı Qələbə ilə sona çatan Vətən müharibəsi zamanı canlarını fəda edən oğullarımızın xatirəsinin əbədi qəlbimizdə yaşadığını, dövlətimizin və xalqımızın hər zaman şəhidlərin əziz xatirəsini uca tutduğunu və şəhid ailələrinin dövlətin daim diqqət və qayğısı ilə əhatə olunduğunu bildirib. Şəhidlərin valideynləri çıxış edərək övladlarının xatirəsinə göstərilən ehtirama görə təşəkkürlərini bildiriblər. Şəhid ailələri və qazilərin diqqətdə saxlanılmasına, qayğı ilə əhatə olunmalarına görə Prezident İlham Əliyevə, Birinci vitse-prezident Mehriban Əliyevaya minnətdarlıq ifadə olundu.
Xəbərdən istifadə edərkən istinad etmək vacibdir.
