Sumqayıt Regional Mədəniyyət İdarəsinə tabeli Sumqayıt şəhər Bülbül adına 2 nömrəli uşaq incəsənət məktəbinin kollektivi Vətən müharibəsi qəhrəmanı, şəhid Səmid Xoşbəxt oğlu Əliyevin ailəsinə baş çəkib, ailənin qayğıları ilə maraqlanıb.
Şəhidimiz 5 iyun 1998-ci ildə Sumqayıtın Corat qəsəbəsində anadan olub.
Valideynlərinin 7 ilik oğul həsrətindən sonra dünyaya gələn şəhidimiz Corat qəsəbəsindəki 7 nömrəli tam orta məktəbi bitirdikdən sonra hərbi xidmətə yollanıb. Həqiqi hərbi xidmət borcunu şərəflə başa vurduqdan sonra istehsalatda çalışmağa başlayıb. Ailədə 3 bacının yeganə qardaşı olub.
Azərbaycan Ordusunun əsgəri olan Səmid Vətən müharibəsi başlayan ilk gündən könüllü olaraq ordu sıralarına yazılıb.Oktyabrın 1 də Füzuli uğrunda gedən döyüşlərdə Şəhidlik zirvəsinə ucalıb. Döyüş əməliyyatlarını və hərbi hissə qarşısında qoyulan tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin sərəncamlarına əsasən Səmid Əliyev ölümündən sonra "Vətən uğrunda" və "Füzulinin azad olunmasına görə" medalları ilə təltif olunub.
Allah rəhmət eləsin!
Xəbərdən istifadə edərkən istinad etmək vacibdir.
