Xeberle.com xəbər verir ki, şəhər ərazisində şadlıq saraylarında aparılan monitorinqlər zamanı aktiv koronavirus xəstəsi aşkarlanıb.

Belə ki, şəhərin 3-cü mikrorayon ərazisində fəaliyyət göstərən "Mübariz" şadlıq sarayının əməkdaşlarının COVİD pasportları yoxlanarkən işçilərdən birinin koronavirusa yoluxduğu məlum olub. Müəyyən edilib ki, şadlıq sarayının mətbəxində çalışan Hacı Zeynalabdin qəsəbə sakini Esmira Əsədovanın yanvarın 20-də COVİD testi pozitiv çıxıb.  Həmin şəxslə izahedici söhbətlər aparıb, tibbi prosedurları gözləməklə yaşadığı evə qaytarılıb və bu barədə müvafiq səhiyyə qurumları məlumatlandırılıb. 

E. Əsədova barəsində Sumqayıt şəhər Polis İdarəsində Cinayət Məcəlləsinin müvafiq maddəsi ilə cinayət işi başlanılıb, istintaq aparılır.