Sumqayıtın Tarixi Muzeyində "Qərbi Azərbaycan İcması” Sumqayıt nümayəndəliyinin təmsilçisi Cəmilə Fəyyazın təşkilatçılığı ilə "Qərbi Azərbaycanda mədəni irsimiz: dünən və bu gün"adlı elmi-praktik konfrans keçirilib.
Xeberle.com xəbər verir ki, konfransda icmanın sədri, Milli Məclisin deputatı Əziz Ələkbərli, 44 saylı Sumqayıt-Xızı seçki dairəsinin deputatı Müşfiq Məmmədli, ictimaiyyət nümayəndələri iştirak ediblər.
Tədbirdə Sumqayıt şəhər 39 saylı orta məktəbin direktoru Baxşeyiş Ələmşahovun vaxtı ilə Zəngəzur-Dərələyəz elindən çıxara bildiyi, yüksək vətənpərvərlik nümunəsi olan "Bir elin harayı” kolleksiyası nümayiş olunub. Kolleksiyanın tərkibində təkcə yaxın əsrlərə yox, hətta çox uzaq XII əsrə aid 60-a qədər qiymətli məişət əşyası yer alıb.
Daha sonra dəyirmi masa ətrafında maraqlı fikir mübadiləsi aparılıb.
Deputat Müşfiq Məmmədli bildirib ki, "Köçkün muzey”in Sumqayıt muzeyində yerləşdirilməsi həm də ona görə əhəmiyyətlidir ki, onunla bütün sumqayıtlılar kimi vaxtilə bu şəhərə pənah gətirmiş, sığınmış yüzlərlə Göyçə-Zəngəzur camaatı da tanış ola bilərlər.
Diqqətə çatdırılıb ki, Müzəffər Ali Baş Komandan, Prezident İlham Əliyevin rəhbərliyi ilə 44 günlük Vətən müharibəsində qazanılan qələbədən sonra Qərbi azərbaycanlıların öz dədə baba, tarixi torpaqlarına qayıtmaq inamı daha da artırıb.
Xəbərdən istifadə edərkən istinad etmək vacibdir.
