Sumqayıtda qanunsuz parklanma ilə əlaqədar gün ərzində keçirilən reydlər zamanı 78 sürücü, ictimai nəqliyyatda maskadan istifadə etməyən 62 nəfər barəsində inzibati protokol tərtib edilib.
DİN Mətbuat xidmətindən Xeberle.com-a verilən məlumata görə, qanunsuz olaraq parklama xidməti təşkil edən şəxslər də müəyyən edilib və onlar da inzibati məsuliyyətə cəlb olunublar. İctimai nəqliyyatda maskadan istifadə etməyən 62 nəfər sərnişin avtobuslardan düşürülüb, onlar barəsində inzibati tənbeh tədbiri görülüb.
Peyvənd olunmayan, özü və sərnişini tibbi maskadan istifadə etməyən taksi fəaliyyəti ilə məşğul olan sürücülər də saxlanılıblar. Həmin sürücülər barəsində İnzibati Xətalar Məcəlləsinin müvafiq maddəsi ilə tədbir görülüb.
Xəbərdən istifadə edərkən istinad etmək vacibdir.
