Sumqayıt Regional Mədəniyyət İdarəsinə tabe olan Əli Kərim adına Poeziya Evində Mədəniyyət İşçiləri Həmkarlar İttifaqı Sumqayıt şəhər Komitəsinin Gənclərlə iş üzrə komissiyasının və Əli Kərim adına Poeziya Evinin birgə təşkilatçılığı ilə 2 fevral Gənclər Gününə həsr olunan "Gənclər gələcəyin üfüqündə" adlı tədbir təşkil edilib.
Tədbiri giriş sözü ilə açan MİHİ Sumqayıt şəhər Komitəsinin sədri Şahin Şəfiyev gəncləri salamlayıb, onların şəhərin mədəni həyatındakı xidmətlərindən danışıb. Daha sonra çıxış edən Əməkdar müəllim, Respublika Prezidentinin fərdi təqaüdçüsü Ofeliya Babayeva öz növbəsində gələcəyimiz olan gənclərə xoş arzularını ifadə edib, maraqlı gənclik xatirələrini onlarla bölüşüb. Poeziya Evinin əməkdaşı, MİHİ Sumqayıt şəhər Komitəsinin Gənclərlə iş üzrə komissiyasının sədri Elvin Əlizadə isə gənclərə göstərilən diqqət və qayğıdan söz açaraq mədəniyyət sahəsində çalışan gənc həmkarlarla qarşıya qoyulan məsələlərdən və onların həllinin vacibliyindən danışıb.
Xəbərdən istifadə edərkən istinad etmək vacibdir.
