Sumqayıt şəhər Gənclər və İdman Baş İdarəsinin, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin birgə təşkilatçılığı ilə 09 fevral 2022-ci il tarixində mövcud pandemiya qaydalarına uyğun olaraq Peşə Təhsil Mərkəzində "Mövzu – Qarabağ” adlı "Nə? Harada? Nə zaman?” formatında bilik yarışı keçirilmişdir.
Yarışın keçirilməsində məqsəd 44 günlük Vətən müharibəsinin təbliği, "2015-2025-ci illərdə Azərbaycan gənclərinin İnkişaf Strategiyası”nın müvafiq bəndlərinin icra edilməsi, 2022-ci il Şuşa ilinin qeyd edilməsi, peşə təhsil müəssisələri tələbələrinin ictimai həyatda fəal iştirakının artırılması, onların asudə vaxtlarının səmərəli təşkili, gənclər arasında sağlam elmi rəqabət mühitinin yaradılmasıdır.
Yarışın yekun nəticəsinə görə "Səma”, "Şuşa”, "Mübarizlər” komandaları müvafiq olaraq I, II, III yerlərə layiq görülmüşlər.
Sonda qalib komandalar Baş İdarənin fəxri fərman, medal və hədiyyələri ilə təltif edilmişlər.
Xəbərdən istifadə edərkən istinad etmək vacibdir.
