Bu ilin yanvar ayı ərzində Azərbaycanda 1 273 fərdi yaşayış və bağ evi ilkin dövlət qeydiyyatına alınıb.
Əmlak Məsələləri Dövlət Xidmətindən verilən məlumata görə, bu, 2021-ci ilin eyni dövrü ilə müqayisədə 40% çoxdur.
Analoji hal torpaq sahələrinin ilkin qeydiyyatında da müşahidə edilib. Belə ki, ötən ilin eyni dövrü ilə müqayisədə torpaq sahələrinin ilkin qeydiyyatı 6,3% artaraq 1 057 olub.
Bu ilin ilk ayı ərzində 18 608 daşınmaz əmlakın texniki inventarlaşdırılması aparılıb və texniki pasportu tərtib edilib. Bu isə, ötən ilin eyni dövrü ilə müqayisədə 12,8% artım deməkdir. 2021-ci ilin yanvar ayında qeydiyyata alınan ipoteka müqaviləsinin sayı ötən ilin ilk ayı ilə müqayisədə 86,9% artaraq 5 132 olub.
Xəbərdən istifadə edərkən istinad etmək vacibdir.
