Sumqayıt Regional Mədəniyyət İdarəsinə tabe olan Sumqayıt Mərkəzləşdirilmiş Kitabxana Sisteminin Mərkəzi uşaq kitabxanasında şəhid anaları ilə "Şərəf abidəsi – şəhid anası” adlı görüş təşkil edilib.
Xeberle.com xəbər verir ki, tədbirdə şəhidlərimiz Əlizamin Valeh oğlu Mustafalı, Elvin Ziyafət oğlu Novruzov, Əlimərdan Fəttah oğlu Quluzadə, Kərim Rövşən oğlu Əhmədəliyevin anaları və
5 nömrəli tam orta məktəbin şagird və müəllim kollektivi iştirak ediblər.
Kitabxananın əməkdaşı Vətən müharibəsində qazanılan möhtəşəm qələbə və bu qələbədə payı olan şəhidlərin şərəfli döyüş yolu haqqında məlumat verib.
5 nömrəli məktəbin direktor müavini Arzu Əliyeva və kitabxananın müdiri Nailə Tağıyeva çıxışlarında vətənpərvər, şücaətli övladlar böyütdüklərinə görə şəhid ailələrinə öz təşəkkürlərini bildiriblər.
Şəhid anaları övladlarının döyüşlərdə göstərdikləri qəhrəmanlıqlardan danışıb, onlarla qürur duyduqlarını qeyd ediblər.
Sonda "Qəfil zəng” adlı kiçik səhnəcik nümayiş etdirilib, vətən və şəhidlər haqqında şeirlər söylənilib.
Xəbərdən istifadə edərkən istinad etmək vacibdir.
